ఉలికి పిట్ట గారికి ....

ఉలికి పిట్ట ఉరఫ్ ఆకాశ రామన్న(ఏమో లోగుట్టు గౌరీశంకరుడికెరుక) గారికి ....

భలేగా వుంటాది సామి మీ బలాగు.. మీ బలాగు బహు బాగు.. భలే కేలికేస్తారు అందరిని (Sincere appreciation..:) ) ..కాక పొతే బాబయ్యా.. మంచి పలావు తింటూ వుంటే పంటి కింద రాయి లా అనిపించింది ఇది చదివితే ... అదేమిటి సామి ఇట్టా రాసేసారు ? వాకే .. వాకే , పోలికలికి ఏముంది , ఎదవది ఎవరిని ఎట్టా అన్నాపోలిచేయ్యోచ్చు. నరేంద్ర మోడి ని హిట్లరు తో పోల్చోచ్చు.. బాబూ మోహన్ ని మోహన్ బాబుతో పోల్చచ్చు, బెమ్మీ ఇలియానాకీ లైనేయచ్చు
.. పనికి మాలిన పోలికలతో మనకి ఎందుకు లెండి ?

" (ఖర్మరా నాయనా..!! ఈ మేతావుల దృష్టిలో కాలం గుజరాత్ అల్లర్ల వద్దే ఆగిపోయుంటుంది. దాన్ని దాటి ఒక్క క్షణం ముందుకు కూడా రారు )
నిజమే, ఒప్పీసుకున్నాం, కానీ బాబు, గుజరాతు మారణకాండ దాదాపుగా దశాబ్ద కాలం నాటిది. దాని తరువాత చాలా మార్పులు జరిగాయి. కానీ, అలాంటి మారణ కాండ మళ్ళీ ఎక్కడా జరగలేదు, గుజరాతుతోసహా. కానీ, .. ఆరుకొట్ల యూదుల్ని జంపేసిన హిట్లరుతో మోడీ బాబుకి పోలికేంది .. ఇది మీరే రాసారా బాబయ్యా ? దశాబ్ద కాలం కిందట జరిగింది పట్టుకుని ఇంకా ఈ మేతావులు వేల్లాడుతున్నారా ? మరే సామి.. ఒక రెండొందలు ఏళ్ల కిందట తెల్లోళ్ళు మన మీద చేసినవి మర్సిపోదామా ? ఓ పాతికేళ్ళ కిందట జరిగిన ఎమర్జెన్సీ మర్సిపోదామా ? దాని తరువాత జరిగిన సిక్కుల ఊచకోత మర్సిపోదామా? అంతెందుకు ? ఒక పదేళ్ళు పొతే ముంబాయి దాడులనే మర్సిపోదాము , ఏమంటారు ?

"చక్కని పాలన అందించే మోడీని అభిమానించే వారిని హిందూత్వవాదులని, అత్యంత ప్రమాదకారులని ఎంత చక్కగా వర్ణిస్తారో." ఇది మరీ కేక.. మాష్టారు.. తమ్ముడు తమ్ముడే పేకాట పేకాటే ! మరి అభివృద్దిపధంలో నడిపించి (నేను జెప్పింది కాదులే శ్రీకృష్ణ కమిటీనే చెప్పిందిగా)అమరుడైన మన మాజీ సీ ఎం అవినీతి మీద రోజుకోటపా ఒదుల్తున్నారుగా మన బలాగుమేతావులు? అభివృద్ధి చేసినంత మాత్రాన .. ఆగంతాలు మర్సిపోతారా ? మరేమో అజ్మల్ కసాబ్ కూడా ఈ మధ్య తెగ మారిపోయ్యాడంటా ! ఆవకాశం ఇస్తే తీహారు జైలు ( అది కాక పొతే ఇంకొకటి ) అభివృద్ది చేసేస్తాడు అంట! ఏటి మనోడిని కూడా పొగిడేసే ఉద్దారకులు ఉండారా ఏంది ?

ఆ .. ఏటంటారు ? మన నరేంద్ర మోడి పత్తేకంగా ఏటి సెయ్యలేదు , కత్తోట్టుకుని ఎవ్వోడిని పోడిసేయ్యలేదు అంటారా ? అలాగే , మంచి పెసనే ! ఆ లెక్కన మన మోడి గారు చేసిన తప్పులేవి లేనట్లే! అంతా అభివృద్దే! మరి మన కిద్వాని బాబాయి ఏటి చేతకాని ముగ్య మంత్రి అంటాడు మోడి గారిని.. అదెక్కడా అంటారా?

మన కిద్వాని బాబయ్య , మశానం మొగం సింగుని పట్టుకుని ఎంత నీతిపరుడు అయితే ఏటి లాభం, వాడి కింద జరిగే అవినీతి ఆపలేనప్పుడు.. అని అన్నాడు గందా! మరి ఆ లెక్కన మన మోడి గారు ఎంత అభివృద్ది కారకుడు , శాంతి కాముకుడు అయినా ఏటి లాభం? వాడి హయాము లో నానా రకాల ఆగంతాలు జరిగినప్పుడు ? అది కూడా ఒక మతస్తుల పైనే ప్రత్యేకం గా జరిగినప్పుడు? కొంపదీసి.. ఏటి.. ఆ మోడి గారిని పొగడడానికి అదే అసలు కారణమా? వోరి మీ అసాధ్యం కూలా !

ఆ అయినా నాకెందుకులే ఉన్నమాటంటే ఉలుకెక్కువ!!!