"మన ఆచారాల"పై ఒక భడవాయ్‌ నిర్వాకం !

ఒక పెద్దాయన, ఏదో ఆయన ముప్పై ఏళ్ళ ఉద్యోగ జీవితంలో లెక్కకు మిక్కిలి సార్లు నిర్వహించిన కార్తీక వనభోజనాలనీ, అందులో తయారు చేసిన రకరకాల వంటకాలనీ, మరుపురాని ఙ్ఞాపకాల్లాంటి రకరకాల మనుషులనీ మురిపెంగా గురుతు చేసుకుని అందులో తెలుగు వారి ఆచార వ్యవహారాలని మధురంగా మేళవించి పాఠకులందరికీ ఒక అందమైన అనుభూతినిద్దాం అన్న మంచి ఉద్దేశ్యంతో ప్రతిఫలాపేక్ష లేకుండా "మన ఆచారాలు" అన్న పేరున ఒక శీర్షిక నిర్వహిస్తుంటే ..

ఒక ప్రబుద్ధుడు, ఒక శుంఠ, ఒక అవులాయ్‌, ఒక వెర్రాయ్‌, ఒక భడవాయ్‌- ఆయన బ్లాగుకు పిలవని పేరంటానికి తలవని అతిధి మాదిరి పోయి..

జింటాక్‌ లనీ, అజీర్తులనీ, రిటార్డులనీ పరమ అసభ్యకరమైన వ్యాఖ్యలు రాసి ఆ పెద్దాయన్ని మానసిక క్షోభకి గురిచేస్తాడా?

వాడి తోకెమ్మట నారాయణా అంటూ, తానా శాస్త్రులూ, తందాన శర్మలూ "సరిలేరు నీకెవ్వరు, సరిరారు నీకెందరూ" అంటూ భట్రాజు కామెంట్ల మారథాన్‌ నిర్వహిస్తారా?

అది చూసి బ్లాగుపెద్దలమని భుజాలు తడుముకునే నవసమాజ నిర్మాణ సారంగ పారంగతులందరూ కనీసం ఖండించకుండా మిన్నకుంటారా?

వీకీ పీడియాల్లో ఎత్తుకొచ్చిన పెంట మీద వ్యాసాల్నీ, స్మశానాల మధ్య కాలేశవాల చేత సన్మానాలనీ అంగీకరించి, ఆహా ఓహో ఎంత బాగున్నాయ్‌,  అవి మా సృష్టే, ఈ సృజనాత్మకత మా వరం, మమ్మల్ని భరించడం తెలుగు బ్లాగర్ల ఖర్మం అని చంకలు గుద్దుకునే మీ కుహనా బ్లాగు ప్రజాస్వామ్య పరిరక్షకులకి ఆ పెద్దాయన పంచుకునే అనుభవాల మూలంగా ఊడినదీ, ఒరిగినదీ ఏముంది అని ప్రమోదవనం వేదికగా ప్రశ్నిస్తున్నాం.

అందుకే ప్రమోదవనం తరపున ఆ పెద్దాయనకి సంఘీభావం తెలియచేస్తున్నాం. మీమీద జరుగుతున్న అకారణమైన ఈ దాడి మేమెవ్వరం సహించబోమని బాఙ్ముఖంగా విన్నవించుకుంటున్నాం. ఇలా బ్లాగర్ల వ్యక్తిగత భావప్రకటన స్వేచ్చని హరించే విద్వేష పూరితమైన దాడులు ఇకముందు చెల్లవని, కాదూ కూడదని మొండికేస్తే మేము చేయబోయే ఎదురుదాడి మరింత తీవ్రంగా ఉండబోతోందని హెచ్చరిస్తున్నాం.

PS:అన్నట్టు ఆ పెద్దాయన ఈళ్ళకి కొత్త బిరుదిచ్చారండోయ్‌- 'డాపుల్ గేంగర్స్‌" అని.
కొన్నాళ్ళకు ప్రపంచంలో ఇప్పటివరకూ కనిపెట్టిన తిట్లు సరిపోవేమో ఈళ్ళని తిట్టడానికి :)))